هتعرف حاجات كتير في الكورس زي

إزاى تقدر تحصل على فكرة لكتابك وتتأكد أن  فيه ناس محتاجها وهتشترى كتابك علشان تعرفها

طرق البحث المختلفة واللي هتستخدمها علشان تعرف أكتر عن فكرتك وتجهز لكتابك بشكل أحسن

إزاي تعرف القارىء اللي هيكون مهتم بالموضوع اللي بتكتبه وإزاي تقدر توصله

إزاي تضمن أن كتابك هيبقى مميز حتى لو الفكرة اللي بتكتب عنها فيه كتير كتبوها قبلك

أحسن طريقة تنظم بها كتابك وتعرف إزاي ترتب الفصول بشكل منطقى ويفيد القارىء

الظروف المناسبة اللي تكتب فيها واللي هتساعدك على الاستمرار في الكتابة وأن يبقى عندك أفكار باستمرار

إزاي تنظم وقتك بحيث أنك تقدر تكتب باستمرار لحد ما الكتاب يبقى جاهز

كم مرة تراجع كتابك بعد المسودة الأولى وإيه اللي المفروض تعمله في كل مراجعة

إزاي تطبع كتابك وتنشره بشكل يضمن لك حقوقك 

عمرو العزب

من زمان وأنا شغوف بتعلم أي حاجة جديدة وبالمذاكرة، كنت بلاقي معظم زمايلي في المدرسة بيذاكروا بالعافية علشان أهلهم بيضغطوا عليهم أو علشان المدرسين ما يعاقبهومش، كنت بستغرب أوي ازاي بيكرهوا حاجة زي كده، بالنسبة لي كنت بحب أخلص المدرسة بدري علشان اروح البيت اذاكر، كنت بحب اعمل جداول ونظام علشان اعرف اذاكر كل مادة كويس واديها حقها، دايماً أصحابي وزمايلي كانوا بيلجأوا لي لما يكون فيه حاجة معينة مش فاهمينها في الحجات اللي بيذاكروها

معظم السنين الدراسية كنت بطلع الأول أو التاني على المدرسة وفي الثانوية العامة طلعت الأول وكان الفرق بيني وبين التاني حوالي 10 %، بالإضافة إني كنت من ال130 الأوائل على الجمهورية اللي من حقهم يروحوا أي جامعة هم عايزنها.

                                                                 في الجامعة

بعد كده دخلت الكلية ولقيت ان تعليق معظم الدكاترة ان نظام الكلية مختلف عن نظام المدرسة وأن الثانوية العامة معتمدة على الحفظ لكن نظام المذاكرة بتاع الكلية معتمد على الفهم أكتر،

بالرغم من كده قدرت برضه افهم نظام الكلية واعدّل شوية من طريقة مذاكرتي وأخر سنة في الكلية كنت حاصل على تقدير امتياز

                                                                    ITI    

 بعد التخرج من الكلية اشتركت في منحة وزارة الاتصالات كانت عاملها لمدة 9 شهور

كان نظام التعليم بتاعها نظام أمريكي مختلف شوية عن النظام اللي كنت متعود عليه وكالعادة المسئولين كانوا بيقولوا أن كل نظام التعليم اللي فات كان معتمد على الحفظ لكن في المنحة دي لازم أكون فاهم كل حاجة كويس أوي علشان انجح فيها، عرفت برضه أفهم النظام الجديد وطلعت برضه الأول على الدفعة بتاعتي

اال                                                               الشغل

بعد كده اشتغلت في المجال بتاعي وكنت اول واحد في المكان اللي بشتغل فيه اللي عرف يذاكر لشهادات متخصصة في المجال ويحصل على الشهادات معتمدة، في 2012 ذاكرت لشهادة دولية في المجال بتاعي، الشهادة دي امتحانها صعب أوي وعدد قليل اوي اللي بينجح فيها على مستوى العالم، بالرغم من كده عرفت اذاكرها وانجح في الامتحان بتاعها وكنت من ال 30.000 على مستوى العالم اللي معاه الشهادة دي

                                                            اكتشاف شغفي

دورت كتير في الكتب واخدت كورسات علشان اعرف الطرق اللي تخلي التعلم أسهل والمذاكرة تبقى ممتعة ولقيت فيه تطابق كبير بين اللي عرفته واللي كنت بعمله وأنا بذاكر، بس اللي كان دايما شاغل تفكيري ازاي اخلى التعلم يتم بشكل أحسن

بالفعل اخيراً توصلت لطرق ممكن لو طبقتها على أي موضوع عايز اتعلمه أكون متقن للموضوع ده بشكل مناسب في وقت قصير جداً

جربت الطرق دي في تعلم الكتابة وعرفت اكتب 3 روايات في أقل من سنة بالرغم ان قبل كده عمري ما كتبت

جربتها برضه في الخطابة ونجحت اني اعمل حوالي 30 كلمة في خلال سنة منهم حوالي 5 حصلوا على مراكز متقدمة في مسابقات خاصة بالخطابة

بسبب بساطة الطريق دي حلمي اخلى كل الناس تعرفها وتتعلمها وتبقى المذاكرة أو تعلم أي مهارة جديدة عملية سهلة وممتعة ومحدش يذاكر وهو حاسس بقهر أو ضغط تاني

هدفي الأساسي أني اساعدك تتعلم أي حاجة جديدة في أسرع وقت ممكن وبدون أي شعور بالزهق أو الملل