مثلث التشتت

أنا طول عمري بتعلم بسهولة. الأول على الثانوية العامة، امتياز في الكلية، الأول على دفعة ITI، وشهادة CCIE Voice اللي معاها ٣٠ ألف بس على مستوى العالم. يعني لو التشتت كان مشكلة ذكاء أو إرادة... ماكانش المفروض يجيلي أنا.

ومع ذلك، لما بدأت أبني بيزنس جنب شغلي — وقعت في نفس الدوامة اللي إنت فيها: كل أسبوع مشروع جديد، وأهداف ناقصة، وسنة بتعدي ومفيش حاجة بتتقفل.

اللي أنقذني كان شغلي نفسه: في الـ IT إحنا عمرنا ما بنصلح البرامج... بنصلح نظام التشغيل. طبقت المبدأ ده على نفسي، وبعدها كتبت ٣ كتب في أقل من سنة، وبنيت مجتمع Focus Club اللي فيه أكتر من ١٠٠ عضو. ودلوقتي — بشهادات معتمدة في الكوتشينج (ACMC) والـ NLP — بنقل النظام ده لأصحاب البيزنس الفردي.

ودي القصة اللي هحكيهالك في الويبينار.