اتعلم أي مهارة في أسرع وقت ممكن

هدفنا نساعد كل شخص عايز يطور نفسه عن طريق قراءة كتب أو حضور كورسات أنه يتعلم المعلومات  الجديدة ويثبتها في ذاكرته لأطول فترة ممكنة من غير الإحساس بالزهق أو الملل

كتيب مجاني

إزاي تكتب كتاب في 3 شهور

كورس اونلين هيساعدك تكتب أول كتاب لك في 3 شهور بس

اشترك في الكورس

كتاب صوتي - اتعلم تتعلم

النسخة الصوتية من كتاب اتعلم تتعلم واللي هتساعدك تسمع الكتاب في أي وقت وأي مكان

احجز الكتاب الصوتي

كتاب اتعلم تتعلم

كتاب اتعلم تتعلم هيساعدك تستفيد من المعلومات اللي هتعرفها من أي كتاب تقرأ ه أو كورس تحضره وهيخلى التعلم بالمسبة لك متعة من غير أي زهق أو ملل

احجز الكتاب

عمرو العزب

من زمان وأنا شغوف بتعلم أي حاجة جديدة وبالمذاكرة، كنت بلاقي معظم زمايلي في المدرسة بيذاكروا بالعافية علشان أهلهم بيضغطوا عليهم أو علشان المدرسين ما يعاقبهومش، كنت بستغرب أوي ازاي بيكرهوا حاجة زي كده، بالنسبة لي كنت بحب أخلص المدرسة بدري علشان اروح البيت اذاكر، كنت بحب اعمل جداول ونظام علشان اعرف اذاكر كل مادة كويس واديها حقها، دايماً أصحابي وزمايلي كانوا بيلجأوا لي لما يكون فيه حاجة معينة مش فاهمينها في الحجات اللي بيذاكروها

معظم السنين الدراسية كنت بطلع الأول أو التاني على المدرسة وفي الثانوية العامة طلعت الأول وكان الفرق بيني وبين التاني حوالي 10 %، بالإضافة إني كنت من ال130 الأوائل على الجمهورية اللي من حقهم يروحوا أي جامعة هم عايزنها

في الجامعة

بعد كده دخلت الكلية ولقيت ان تعليق معظم الدكاترة ان نظام الكلية مختلف عن نظام المدرسة وأن الثانوية العامة معتمدة على الحفظ لكن نظام المذاكرة بتاع الكلية معتمد على الفهم أكتر،

بالرغم من كده قدرت برضه افهم نظام الكلية واعدّل شوية من طريقة مذاكرتي وأخر سنة في الكلية كنت حاصل على تقدير امتياز

ITI

(ITI) بعد التخرج من الكلية اشتركت في منحة وزارة الاتصالات كانت عاملها لمدة 9 شهور

كان نظام التعليم بتاعها نظام أمريكي مختلف شوية عن النظام اللي كنت متعود عليه وكالعادة المسئولين كانوا بيقولوا أن كل نظام التعليم اللي فات كان معتمد على الحفظ لكن في المنحة دي لازم أكون فاهم كل حاجة كويس أوي علشان انجح فيها، عرفت برضه أفهم النظام الجديد وطلعت برضه الأول على الدفعة بتاعتي

الشغل

بعد كده اشتغلت في المجال بتاعي وكنت اول واحد في المكان اللي بشتغل فيه اللي عرف يذاكر لشهادات متخصصة في المجال ويحصل على الشهادات معتمدة، في 2012 ذاكرت لشهادة دولية في المجال بتاعي، الشهادة دي امتحانها صعب أوي وعدد قليل اوي اللي بينجح فيها على مستوى العالم، بالرغم من كده عرفت اذاكرها وانجح في الامتحان بتاعها وكنت من ال 30.000 على مستوى العالم اللي معاه الشهادة دي

اكتشاف شغفي

دورت كتير في الكتب واخدت كورسات علشان اعرف الطرق اللي تخلي التعلم أسهل والمذاكرة تبقى ممتعة ولقيت فيه تطابق كبير بين اللي عرفته واللي كنت بعمله وأنا بذاكر، بس اللي كان دايما شاغل تفكيري ازاي اخلى التعلم يتم بشكل أحسن

 

بالفعل اخيراً توصلت لطرق ممكن لو طبقتها على أي موضوع عايز اتعلمه أكون متقن للموضوع ده بشكل مناسب في وقت قصير جداً

 

جربت الطرق دي في تعلم الكتابة وعرفت اكتب 3 روايات في أقل من سنة بالرغم ان قبل كده عمري ما كتبت

 

جربتها برضه في الخطابة ونجحت اني اعمل حوالي 30 كلمة في خلال سنة منهم حوالي 5 حصلوا على مراكز متقدمة في مسابقات خاصة بالخطابة

 

بسبب بساطة الطريق دي حلمي اخلى كل الناس تعرفها وتتعلمها وتبقى المذاكرة أو تعلم أي مهارة جديدة عملية سهلة وممتعة ومحدش يذاكر وهو حاسس بقهر أو ضغط تاني

 

هدفي الأساسي أني اساعدك تتعلم أي حاجة جديدة في أسرع وقت ممكن وبدون أي شعور بالزهق أو الملل

"أخدت كورس اونلين اسمه "إزاي تكتب كتاب في 3 شهور".. الكورس للناس اللي حابة تكتب كتاب ...استفدت من الكورس حجات كتير جدا زي عرفت إزاي اجيب أفكار وإزاي استمر في الكتابة ومقفش.. إيه اللي هعمله كل شهر في خلال ال3 شهور لحد ما الكتاب يبقى جاهز... اتعلمت إزاي اراجع الكتاب وإزاي اطبعه وانشره.... الكورس عبارة عن سيستم هيقولك تعمل إيه من البداية للنهاية.... شكرا قوى عمرو العزب على الكورس اللي استفدت منه كتير... الكورس مفيد لأي حد عايز يكتب كتاب ومش عارف يكتب في إيه أو يبدأ منين "

مادونا عياد
صاحبة صفحة Madonna\Reading

""اتعلم تتعلم" كتاب اتكتب بشغف للتعلم، بفكر جديد، بمعرفة حقيقية قائمة على التجربة العملية مش تجميع لنظريات أكاديمية، بلغة مبسطة. هتلاقي نفسك بتفتكر الي بيحصلك او الي كان بيحصلك و انت بتذاكر... و هتبتسم لإنك هتعرف أد ايه حاجات صغيرة جدا كانت بتقف بينا و بين سرعة الفهم و الحفظ و القراية... هتبتسم لما تعرف انك لسه ممكن تصلح كل ده و ترجع تحب تتعلم و تخلي غيرك يحب يتعلم "

د.سحر سامي
استشاري تدريب و مدرب مهارات ذهنية

"عمرو في كتاب اتعلم تتعلم قدر يعمل رحلة شيقة جداً داخل مخنا وشرح لنا بالتفصيل إيه اللي بيحصل لينا وإحنا بنتعلم وإزاي نستفيد من كل أجزاء المخ في التعلم كتاب رائع وشيق ويستحق القراءة "

د.نبيل الهادي
مدرب مهارات حياة وحاصل على دكتوراة في سيكولوجيا النجاح في الشركات

"انا اخدت كورس ازاي تبدأ كتابك +كورس ازاي تسوق لكتابك مع أستاذ عمرو.. الكورس بسيط وسهل وسلس.. تحسه ماشي معاك واحده واحده لحد ما توصل لاخره تكون خلصت الكتاب.. انا خلصت الكتاب المقدمه والفهرس ومكونات الكتاب عدلت فيها كنت كاتباها قبل كده.. وكل فصل بقي متنسق ومتقسم.. انا بقالي سنه تايهه في الكتاب.. وزبطته في ٧ ايام مع كورس حضرتك.. حقيقي شكرا جدا.. فاضلي ازبطه واعمل النهايه.. وبس كده شكرا جدا لحضرتك حقيقي😃🙌 "

آلاء سرور
رسامة كتب أطفال ومصممة شخصيات
Close

50% Complete

Two Step

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua.